म्हणींचे गाणे
थेंबे थेंबे तळे साचे... आहे ज्ञान हे मोलाचे
आपला तो बाळ्या... जरी करतो टवाळ्या?
अति तिथे माती... नको फुगवूस छाती
बैल गेला झोपा केला ... कसा येणार कामाला?
पळसाला पाने तीन... त्याला बदलणार कोण?
देश तसा वेश... आहे मोलाचा संदेश
प्रयत्नांती परमेश्वर... नाही दुसरे उत्तर
रात्र थोडी सोंगे फार... हेच जीवनाचे सार
नाव मोठे लक्षण खोटे... जाऊ नये अशा वाटे...
सार काढलेली वाणी... त्यांना म्हणतात म्हणी
- सुवर्णसुत वैभव बळीराम चाळके
१३ जानेवारी २०२२
